अख्तियार दुरपयोग अनुसन्धान आयोगले नेपाल टेलिकमकी प्रबन्ध निर्देशक संगीता पहाडीलगायत १८ जनाविरुद्ध भ्रष्टाचार मुद्दा दायर गरेको छ । उनीहरुविरुद्ध मुद्दा दर्ता गर्न अख्तियारले विशेष अदालतमा प्रतिवेदन पुर्याइसकेको छ ।
नेपाल टेलिकमको बिलिङ प्रणाली, मर्मत शुल्कलगायतमा भ्रष्टाचार भएको भन्दै अख्तियारले मुद्दा लगेको हो। अख्तियारका अनुसार उनीहरुविरुद्ध ३३ करोड बिगो दाबी गरिएको छ ।
अख्तियारले केही दिनअघि पूर्वमुख्यसचिव डा वैकुण्ठ अर्याल, दुई सहसचिवसहित करिब तीन दर्जन कर्मचारी, टेलिकम सञ्चालक समितिका पदाधिकारीलगायतसँग बयान लिएको थियो।
संगीता सर्वोच्च अदालतको पूर्वन्यायाधीश लक्ष्मण अर्यालकी छोरी र नेपाली सेनाका जर्नेल गौरव पहाडीका श्रीमती हुन् ।