उपेन्द्र यादव नेतृत्वको जसपा (जनता समाजवादी पार्टी) नेपालले ५ जनालाई केन्द्रीय सदस्यमा मनोनित गरेको छ । हिजो र आज बसेको केन्द्रीय कार्यकारिणी समितिको बैठकले विभिन्न पार्टी परित्याग गरेर जसपा नेपाल रोजेकाहरूलाई केन्द्रीय समितिमा मनोनित गरेको प्रवक्ता मनिष सुमनले प्रेस विज्ञप्ति जारी गरी जानकारी गराएका छन् ।
सुमनका अनुसार शशिकपुर मियाँ, करिमा बेगम, सुधीर नाथ पाण्डे, कैलाश गुरुङ र निलम यादवलाई केन्द्रीय समितिमा मनोनयन गरिएको हो ।
बैठकले भदौ २५ देखि २७ सम्म आयोजना गरिने पार्टी अधिवेशनका लागि प्रदेश निर्वाचनसम्बन्धी निर्देशिका पारित गरेको पनि सुमन जानकारी दिएका छन् ।
✏️ टिप्पणी लेख्नुहोस्